बेहोसीमा बौलाएर तिम्रो छेउ सर्न जानिन
दुनियाँले गरेजस्तो मैले माया गर्न जानिन

हृदयको कुनाकाप्चा त्यही तस्वीर कुँदीरहेँ
हातै काटी रगतले तिम्रो नाउँ भर्न जानिन

तिनै आँखा भित्र आफ्नो सपनाको संसार खोज्दा
अंगालोको इसारामा तिम्रो आँखा तर्न जानिन

शब्दहरु रित्याएरै सुन्दरताको बयान गरेँ
बगैँचाको फूल टिपी तिम्रो शिरमा छर्न जानिन

बन्दी जिवन छट्पटीदै बाँचिराछ आज तर विस्तृतमा पढ्नुस् »

आँशु खोली सरी छल्किँदैछन् अझै
हेर आँखा रुँदा टल्किँदैछन् अझै

बाध्यतामा परी आज टाढा भएँ
साथ फोटो तिम्रै झल्किँदैछन् अझै

हात जोडी संगै हिँड्न इच्छा संधै
पाउ त्यता तिरै पल्किँदैछन् अझै

गुम्सिएरै रहे चाहना साथमा
यो जवानी यसै ढल्किँदैछन् अझै

दोष मेरै थियो या यही भाग्यको
मर्म राँको बनी सल्किँदैछन् अझै

trijk@yahoo.com
facebook: mero.jeevan