उत्तिखेरै प्रचण्ड घाम चर्किन्छ पोखरामा
अनायासै झर्झरी पानी दर्किन्छ पोखरामा

मौसम बेसारे मान्छे पनि बेसारे नै छन्
मैलाई भेट्न आएको माया फर्किन्छ पोखरामा

चाहनाविपरीत हुन्छन् सबैथोक देशमा
गर्मीमा आगो जाडोमा हिउँ छर्किन्छ पोखरामा

आँखा मिचदै उठेको भर्खरजस्तो लाग्छ
सूर्योदयसँगै समय घर्किन्छ पोखरामा

अजम्बरी के छ ? अटल के पो होला र !
हाँसिरहेको मन फेरि धर्किन्छ पोखरामा । विस्तृतमा पढ्नुस् »