उखेलेर फुल फेरि दुबो किन सार्नु ।
घाँटीरेटी मारे पछि नुन किन बार्नु ।

लगाएर चोटै चोट छाति भरि भरि ।
समयको खेल भनि कुरा किन टार्नु ।
थामेर हात हरु छाड्यौ दोबाटोमा ।
साथ दिन नसक्नेले भर किन पार्नु ।
किन आयौ मेरो सामु परपर जानु ।
पाउ राखी मैदानमा युद्द किन हार्नु ।

छट्पटिदै म मरेको हेर हाँसी हाँसी ।
धकेलेर भिर बाट आँशु किन झार्नु ।
उखेलेर फुल फेरि दुबो किन सार्नु ।
घाँटीरेटी मारे पछि नुन किन बार्नु ।