भैगो अब बैगुनीलाई याद गर्दिन म
यो कलि को माया प्रेममा भर पर्दिन म

कोहि छैन आफ्नो भन्नु, आफु भन्दा अर्को
यही मेरो अन्तिम कडी, तल झर्दीन म

सोच्थे उनि बिना मेरो जीवन को के अर्थ
देखाउछु म एक्लै बाँची, त्यसै मर्दिन म

मलाई छाडी बैगुनी ले, कति खुसि पाउदीरैछे?
त्यो नहेरी संसार त्याग्ने, गल्ति गर्दिन म
उसलाई पछुतो नपारी, त्यसै मर्दिन म

मन लाग्दैन

यो कस्तो दिन आयो, हास्न मन लाग्दैन
यो कस्तो जिन्दगि भयो, बाँच्न मन लाग्दैन

आज सम्म त उनीलाई नै संसार ठान्थे मैले
आज भोलि उनको याद, साच्न मन लाग्दैन

जति सुकै फुर्ति फार्ती गरे पनि भुल्न
किन निष्ठुरीको मन, भाच्न मन लाग्दैन

तिज आयो भन्छन सबै, खै त आ'की मेरी चेली
मेघ गर्झ्यो बाढी आयो, गंगा बग्यो नाली बेली

माइती घरलाई बिर्सेउ कि त , दाईको याद आयनकी
तिमि आउने बाटो तिर ,लाउछु आखा खाली चेली

तिम्री भाउजु बिरामी छे, लिन आउन पाइन म त
कसले हेर्ने बस्तुभाउ, कसले हेर्ने बाली चेली

यो दाईको मर्का बुझी, तीजमा आइदेउन आफै
धेरै मन भएपनि , आइन यसपाली चेली

सुन्छु हल्ला तिम्रो हिमचिम अर्कै सित धेरै छ रे
तर पनि हातमा चुरा, सिन्दुर, पोते मेरै छ रे

नहुने हो दुनियाको कुरा सुनी संका गर्न
तर पनि तिम्रो दोस्ती सिमा भन्दा धेरै छ रे

के हो के हो तिम्रो चाला बुझ्न मलाई गार्हो भयो
आज भोलि तिम्रो फेसन चाहिने भन्दा धेरै छ रे

यो उत्ताउलो जवानी को बोझ थाम्न साकिनौ कि
आज भोलि तिम्रो बोलचाल पराइ सित धेरै छ रे विस्तृतमा पढ्नुस् »