नजानेर प्रीत लाउँदा, उन्को मिठो घात पाएँ
एकोहोरो माया गर्थें, तेसैले त लात पाएँ
 
बल्झिएको घाउ दुख्छ, कोट्टाउने प्रयास गर्दा
निस्ठुरीले कोल्टे फेर्दा, औंसीको त्यो रात पाएँ

मुटु दुख्छ आँशु झर्छन, के भो भन्ने साथि छैनन्
उनले साथ् छाडी दिंदा, भट्टीको त्यो मात पाएँ

हेर्दा राम्री निर्दोष मुहार, नफस्नुथ्यो फशिहालें
फूल भनि समाउदा, सिस्नुको त्यो पात पाएँ

पुतलीको भट्टीमा पस्न मन लाग्यो,
हिजो जस्तै आज पनि डस्न मन लाग्यो,

एकै बोत्तले भए पुग्छ मात चडाउन,
अंगालोमा बाँधी उस्लाई कस्न मन लाग्यो,

यौबन उस्को दोषी या दोषी सोमरस
रात आज उसैकोमा बस्न मन लाग्यो,

लड़बडाएं किन कुन्नि मात चढेछकी,
सम्हालिंदै उस्को काखमा खस्न मन लाग्यो

आवारा पो भएछु म काम पनि छैन,
खल्ती मेरो रित्ति सक्यो दाम पनि छैन,

साथीहरु कहाँ पुगे म चैं घरको घरै,
कुकुरले नि भुक्न थाले नाम पनि छैन,
 
गर्लफ्रेन्ड लिई हिडछन सबै म चै एकलकाटे,
साथ् आज सबले छाडे राम पनि छैन,

बिग्रिसक्यो जीवन मेरो केल्ले तर लाउने,
जुवै खेल्छु भनि बस्दा साम पनि छैन

आवारा पो भएछु म काम पनि छैन,
खल्ती मेरो रित्ति सक्यो दाम पनि छैन,

साथीहरु कहाँ पुगे म चैं घरको घरै,
कुकुरले नि भुक्न थाले नाम पनि छैन,
 
गर्लफ्रेन्ड लिई हिडछन सबै म चै एकलकाटे,
साथ् आज सबले छाडे राम पनि छैन,

बिग्रिसक्यो जीवन मेरो केल्ले तर लाउने,
जुवै खेल्छु भनि बस्दा साम पनि छैन

तिम्लाई पाउने आस मर्यो,
बीच बाटोमै बास टर्यो,

प्रेमको मलाई भोगी भन्छन
मुखमा हाल्दा गास झर्यो,

रोजाई सबको फरक हुन्छ,
रहर खोज्दा मास पर्यो,

ढुंगाकै त रैछ मुटु
चोखो प्रेमको नास गर्यो,

अन्त्य भयो जिन्दगिको,
दैबले नै सास हर्यो,

मृत्यु पछि सुख भन्छन,
खै कसले हो लास चर्यो

भोकै थिएँ हिजो पनि आज पनि खान छैन
शिक्षित् परेउ तिमी सबै मेरो कुनै ज्ञान छैन

धनकै पछि कति भाग्छौ थकाई मारी सास फेर
रित्तै झरेउ यो संसार मा मरी केहि लान छैन

फेरी फेरी लाउछौ लुगा खान्छौ पनि रोजी रोजी
घुम्छौ तिमि संसार भरि मलाई कहीं जान छैन

बिच्छौना यो धर्ति मेरो ओड्नलाइ खुला आकाश
मुस्कुराउछु जे भएनी पिडाको त भान छैन