देख्न थाले आफैलाई उसैको नयनमा
मायालु भाव झल्कीयो कोमल हसनमा

आखाको भाका झनै कति पनि नबुझिने
मोहोनी लगाउने जादु त्यो मधुर वचनमा

योवनामा मस्तभै लर्केको फुलझैँ
बास्नादार तिमी पाए मैले सारा चमनमा

भिजेका ति गुलाबी ओठ प्रतिकक्षमा मेरा
अदृश्य चुम्बन भो मिशिएर पवनमा

संगै लामा "कपाश"

भन्थ्यौ तिमीसगै बाचौ जुनी जुनी मलाई
छाडी गयौ एक्लै आज चुनी चुनी मलाई

बोलाउदानी छड्के नजर लगाएर गयौ
नसुनेझैँ गर्यौ तिमीले सुनी सुनी मलाई

बाध्यता के पर्यो, चोखो माया थियो भने
फसाई गयौ माया जाल बुनी बुनी मलाई

गरिबीको फाइदा उठाई स्वार्थी माया लगाउनेले
मोजमस्ती गर्नु अब सास थुनी थुनी मलाई

सांगे तामांग" कपाश"
फिलाडेल्फिया पेंन्सिल्वानिया अमेरिका