प्रेम दिवशमा प्रेमप्रत्र लेख्दैछु माया
भविष्य जीवनको तिमीमा देख्दैछु माया ।

स्वाभिमान र महानताको अध्याय दर्साउदै
सामिप्य,नेपथ्यबाट पाइला टेक्दैछु माया ।

आत्मासमर्पण गर्दिन फाली प्रेम हतियार
आइपर्ने मुढभेट बिवेकले छेक्दैछु माया ।

स्विकार्नु धिकार्नु नकार्नु जो तिम्रो अधिकार
अमर प्रेमका यि लिफा सामुन्ने पेस्दैछु माया ।

जीवनका खुशीहरु उकाली ओराली सोहोरेर
आत्मियताको भारी तिम्रो चौतारी ठेग्दैछु माया ।

सझिएको आगनमा अग्नी होमले ड्म्फु बज्दा
जीवनको अमरत्व तिमीसग सेक्दैछु माया ।