सम्झिएर मखमली, मेरो मन रुयो होला
बेखबरमा चेलीहरु ,आँशु पनि चुयो होला ।

चिमल गुरास फुल्नु अघि बाटो लाग्छु भन्थ्ये
आज फुले मखमली तिहारले छुयो होला ।

सयपत्रीको के काम अब लाउने मान्छे मुङ्लान
फक्री फुली ओलीएर बारीतिरै कुयो होला ।

पेलिन्दैछु कामै कामले गाउमा तिहार आउँदा
भावनाको सप्तरङ्गी पसिनाले धुयो होला ।

निरसताले मेरी चेली मौनतामा बसिन
भाई पुज्ने उनको आशा फेरि पनि तुयो होला