"मेरो तस्बिर हेरी राख"

सम्झनालाई पठाको छु मेरो तस्बिर हेरी राख
तिम्रो माया हो की होईन बरम्बार केरी राख ।

एक हातले तस्बिर समाइ अर्कोले प्याट कुट
कुचिन्छ की जतन गरी सिरानीमा फेरि राख ।

प्रतिमाको आभाशले तिम्रो प्यास मेटोस बरु
सगै सुताउ निदरीमा पोल्टाभित्रै बेरी राख ।

प्रभातको शित सगै तिमीले बाहिर जानु पर्दा
पवन छिरी उडाउछ की पछ्यौराले घेरी राख ।

उपहार लिइ गोधुलीमा जुनसगै फर्किन्छौ नी
रातो गुलाफ मेरो हातमा अरुलाई चेरी राख ।