चाँदनी रात थियो मायालु को साथ् थियो !!
मन्द मन्द मुस्कान संगै बैँशालु मात थियो!!

गाईरहेथ्यो मन हरु सुनिरहेथे चुपचाप् सबै,
मौनता मा पनि आहा कती मिठो बात् थियो!
मन्द मन्द मुस्कान संगै बैँशालु मात थियो !!

कहिले यता कहिले उता नजानेरै सल्बलाउने,
मेरो हात माथि उन्को सुकोमल हात थियो !
मन्द मन्द मुस्कान संगै बैँशालु मात थियो !!

बगीरहे हावाहरु सुशाईरहे आफ्नै धुन मा,
मन भित्र खोल्न बाँकी मायाको थुप्रै खात थियो !
मन्द मन्द मुस्कान संगै बैँशालु मात थियो !!

उनी थीइन म थियँ सब थोक थियो त्यँहा,
तिमी थियौ र त म मा संसार जित्ने आँट थियो !!
चाँदनी रात थियो मायालु को साथ् थियो
मन्द मन्द मुस्कान संगै बैँशालु मात थियो,

मेरो एउटा नयाँ प्रस्तुती ,,,,,, मेरो अतित याद हरु को अली कती झल्को ,,,,,,,,

राज श्रेष्ठ तिर्थ
चिसापानी - ६ ramechhap
हाल बर्लिन जर्मनी