प्रेम गरि एक्लै चोट पाउनु पो त माया
एकोहोरो किन नहोस लाउनु पो त माया

एक्लै तड्प एक्लै रमाउ नबुझ्न्र्ले नबुझेनि
दुखाइको गीत हाँस्दै गाउनु पो त माया

दुइतर्फी भन्दा पनि एकोहोरो प्यार मिठो
सुन्दर घरको कल्पना छाउनु पो त माया

पर्खाइमा बाटो हेर्दै आँखा कति चंचल भए
एक नजर दर्शन गर्न धाउनु पो त माया

सुख मा त किन दिनु यसै खुसि हुन्छन भने
दुखको पलमा हात समाउनु पो त माया

शरीर आखिर नासवान एक दिन मरीहाल्छ
दुइ आत्मा को साइनो बनाउनु पो त माया
प्रेम गरि एक्लै चोट पाउनु पो त माया
एकोहोरो किन नहोस लाउनु पो त माया
प्रेम आफैं मिठो छ कसैको साथ् खोज्नै पर्दैन येदी त्यो चोखो र निस्वार्थी माया हो भने
रामचन्द्र तिमिल्सिना