क्रान्तिदीप नीभाईरहे बाल्नुपर्छ भन्नेहरु
सामन्तीलाई बचाईराखे ढाल्नुपर्छ भन्नेहरु

रच्दा रैछन जाल अनेक देशलाई ध्वस्त पार्न
अब भने क्रान्तियुद्द थाल्नुपर्छ भन्नेहरु

युवाजति बर्बाद परि आफु माथि चढीरहे
युवा अभिभारा अब सम्हाल्नुपर्छ भन्नेहरु

जोगाउने तिनै हुन् अन्याय र अत्त्याचारलाई
शोसन झन् गरिरहे गाल्नुपर्छ भन्नेहरु

अत्याचारी ब्येबस्थाको पहरेदार बनिरहे
अब यो ब्येबस्थालाई फाल्नुपर्छ भन्नेहरु

च्यातिएको संरचना बनाउनुपर्छ भन्छन
च्यातने नै तिनै रैछन टाल्नुपर्छ भन्नेहरु

विकासक्रमक़ा इट्टा झिक्दै आस्वासन देखाइरहे
जनताले नै अब इट्टा हाल्नुपर्छ भन्नेहरु
क्रान्तिदीप नीभाईरहे बाल्नुपर्छ भन्नेहरु
सामन्तीलाई बचाईराखे ढाल्नुपर्छ भन्नेहरु
रामचन्द्र तिमिल्सिना